கவுந்தப்பாடி ஒழுங்குமுறை விற்பனை கூடத்தில் ரூ.57 லட்சத்துக்கு நாட்டு சர்க்கரை ஏலம்

கவுந்தப்பாடி

கவுந்தப்பாடி ஒழுங்குமுறை விற்பனைக்கூடத்தில் நாட்டு சர்க்கரை ஏலம் நடைபெற்றது. இதற்கு கவுந்தப்பாடி சுற்றுவட்டார பகுதிகளை சேர்ந்த விவசாயிகள் 2 ஆயிரத்து 385 மூட்டைகளை விற்பனைக்கு கொண்டுவந்தனர். இதில் 60 கிலோ மூட்டை முதல் தர திடம் ரக நாட்டு சர்க்கரை குறைந்தபட்ச விலையாக (குவிண்டால்) ரூ.2 ஆயிரத்து 740-க்கும், அதிகபட்சமாக ரூ.2 ஆயிரத்து 760-க்கும் ஏலம் போனது. மீடியம் ரக நாட்டு சர்க்கரை (குவிண்டால்) குறைந்தபட்ச விலையாக ரூ.2 ஆயிரத்து 600-க்கும், அதிகபட்சமாக ரூ.2 ஆயிரத்து 630-க்கும் ஏலம் போனது. மொத்தம் 2 ஆயிரத்து 133 மூட்டைகளில் உள்ள 1 லட்சத்து 27 ஆயிரத்து 980 கிலோ எடையுள்ள நாட்டு சர்க்கரையை ரூ.57 லட்சத்து 3 ஆயிரத்து 290-க்கு பழனி தண்டாயுதபாணி கோவில் நிர்வாகத்தினர் கொள்முதல் செய்தனர்.