பால் வியாபாரி மீது தாக்குதல்

பரமத்திவேலூர்:-

வேலகவுண்டம்பட்டி அருகே இளநகர் பகுதி கட்டிப்பாளையத்தைச் சேர்ந்த பால் வியாபாரி பாலுசாமி (வயது 50), இவர், வடுகபாளையத்தில் கோவில் விழாவுக்கு சென்று விட்டு மொபட்டில் வீடு திரும்பி கொண்டிருந்தார். மாவுரெட்டியில் இருந்து கட்டிப்பாளையம் செல்லும் சாலையில் வந்த போது அவருக்கு பின்னால் ஸ்கூட்டரில் வந்த 2 பேரில் ஒருவர் கட்டையால் பாலுசாமியை தாக்கி விட்டு தப்பி ஓடி விட்டனர். காயம் அடைந்த பாலுசாமி உறவினர்களுக்கு தகவல் தெரிவித்தார். காயம் அடைந்த பாலுசாமியை மீட்டு நாமக்கல்லில் தனியார் ஆஸ்பத்திரியில் அனுமதித்தனர். இந்த சம்பவம் குறித்து வேலகவுண்டம்பட்டி போலீசார் வழக்குப்பதிவு செய்து கட்டையால் பாலுசாமியை தாக்கிய நபர்கள் குறித்து விசாரணை நடத்தினர்.