வாலிபர்கள் மீது தாக்குதல்

போடி குப்பிநாயக்கன்பட்டியை சேர்ந்தவர் சக்திவேல் (வயது 28). இவரது நண்பர் கார்த்திக் (27). இவர்கள் இருவருக்கும், அதே பகுதியை சேர்ந்த சகோதரர்களான ராமன், லட்சுமணன் ஆகியோருக்கும் இடையே முன்விரோதம் இருந்ததாக கூறப்படுகிறது. இந்நிலையில் நேற்று முன்தினம் கார்த்திக் தனது வீட்டின் அருகே நின்று சக்திவேலுடன் பேசிக்கொண்டிருந்தார்.

அப்போது ராமன், லட்சுமணன் ஆகியோர் அங்கு வந்தனர். அவர்கள் 2 பேரும் சேர்ந்து சக்திவேல், கார்த்திக்கை கைகள், உருட்டு கட்டையால் தாக்கினர். இதில் படுகாயமடைந்த கார்த்திக் தேனி அரசு மருத்துவ கல்லூரி மருத்துவமனையில் சிகிச்சைக்காக சேர்க்கப்பட்டார். லேசான காயமடைந்த சக்திவேல் போடி அரசு மருத்துவமனையில் அனுமதிக்கப்பட்டார். இதுகுறித்து போடி நகர் போலீசில் புகார் கொடுக்கப்பட்டது. அதன்பேரில் ராமன், லட்சுமணன் ஆகிய 2 பேர் மீதும் போலீசார் வழக்குப்பதிவு செய்து விசாரணை நடத்தி வருகின்றனர்.