நெல்லை மாநகர புதிய போலீஸ் கமிஷனராக அவினாஷ்குமார் பொறுப்பேற்பு

நெல்லை:

நெல்லை மாநகர புதிய போலீஸ் கமிஷனராக அவினாஷ் குமார் பொறுப்பெற்று கொண்டார்.

புதிய போலீஸ் கமிஷனர்

நெல்லை மாநகர போலீஸ் கமிஷனராக இருந்த சந்தோஷ்குமார் பணி மாறுதல் பெற்று திருச்சி மத்திய மண்டல ஐ.ஜி.யாக சென்றதையடுத்து, புதிய போலீஸ் கமிஷனராக அவினாஷ் குமார் நியமிக்கப்பட்டார். அவர் நேற்று பொறுப்பேற்றுக்கொண்டார்.

புதிய போலீஸ் கமிஷனராக பொறுப்பேற்றுள்ள அவினாஷ் குமார் பீகார் மாநிலத்தை சேர்ந்தவர். இவர் 2004-ஆம் ஆண்டு ஐ.பி.எஸ். தேர்வு பெற்றார்.

மத்திய பணி

டெல்லி, நாக்பூர் பகுதிகளில் கடந்த 6½ ஆண்டுகளாக மத்திய காவல் பணியில் பணியாற்றி வந்தார். அங்கிருந்து நெல்லை மாநகர போலீஸ் கமிஷனராக நியமிக்கப்பட்டார். அவருக்கு மாநகர கமிஷனர் அலுவலகத்தில் உள்ள போலீஸ் அதிகாரிகள் பூங்கொத்து கொடுத்து வரவேற்றனர்.