அரசு பள்ளியில் மாணவர் சேர்க்கை குறித்த விழிப்புணர்வு ஊர்வலம்

வெள்ளியணை,

உப்பிடமங்கலம் அரசு தொடக்கப்பள்ளி சார்பில் மாணவர் சேர்க்கை குறித்த விழிப்புணர்வு ஊர்வலம் நடைபெற்றது. இதற்கு பள்ளியின் தலைமை ஆசிரியை ராஜம்மாள் தலைமை தாங்கினார். பள்ளி மேலாண்மை குழு தலைவி ரேவதி, பெற்றோர் ஆசிரியர் கழக தலைவி பானுப்பிரியா ஆகியோர் முன்னிலை வகித்தனர். பள்ளி வளாகத்தில் இருந்து தொடங்கிய ஊர்வலம் முக்கிய வீதிகள் வழியாக சென்று பள்ளியை வந்தடைந்தது.இதில், ஆசிரியர்கள் பெற்றோர்கள், பள்ளி மேலாண்மை குழு உறுப்பினர்கள் உள்பட பலர் கலந்து கொண்டனர். ஊர்வலத்தில் கலந்து ெகாண்டவர்கள் அரசு பள்ளியில் மாணவர்களை சேர்த்து படிக்க வைப்பதால் அவர்களுக்கு கிடைக்கும் நன்மைகள் குறித்து கோஷங்களை எழுப்பியும், பொதுமக்கள் மற்றும் பெற்றோர்களிடம் துண்டு பிரசுரங்களை வழங்கினர்.