திருப்புவனம்

திருப்புவனம் வேலம்மாள் மெட்ரிகுலேஷன் மேல்நிலைப்பள்ளி சார்பில் மழைநீர் சேகரிப்பு, குடிநீர் பாதுகாப்பு பற்றிய விழிப்புணர்வு ஊர்வலம் நடைபெற்றது. திருப்புவனம் புதூர் மாரியம்மன், ரேணுகாதேவி அம்மன் கோவிலில் இருந்து ஊர்வலம் புறப்பட்டது.

ஊர்வலத்தை போலீஸ் சப்-இன்ஸ்பெக்டர் ஜார்ஜ் ஜேக்கப் கொடியசைத்து தொடங்கி வைத்தார். ஊர்வலம் வண்டல் நகர், கோரக்கநாதர் கோவில், தேரடி திடல், கீழரத வீதி, மதுரை மண்டபம் நெடுஞ்சாலை, யூனியன் அலுவலகம், வழியாக பள்ளியை வந்தடைந்தது. மழைநீர் சேகரிப்பு, குடிநீர் பாதுகாப்பு அவசியம் குறித்து மாணவ-மாணவிகள் பதாகைகள் ஏந்தி வந்தனர். இதற்கான ஏற்பாடுகளை பள்ளி முதல்வர் ஜாஸ்மின் சாந்தி தலைமையில் ஆசிரிய-ஆசிரியைகள் மற்றும் அலுவலர்கள் செய்திருந்தனர்.