பக்ரீத் பண்டிகை: நாளை மறுநாள் சென்னை சென்ட்ரல் - நெல்லை இடையே சிறப்பு ரெயில் இயக்கம்

சென்னை,

தியாகத்தின் பண்டிகை என்று அழைக்கப்படும் பக்ரீத் பண்டிகை பிறை தோன்றுவதன் அடிப்படையில் வரும் வியாழன் அல்லது வெள்ளிக்கிழமை கொண்டாடப்படும் என்று எதிர்பார்க்கப்படுகிறது.

இந்நிலையில் பக்ரீத் பண்டிகையை ஒட்டி சென்னை சென்ட்ரல் - நெல்லை இடையே இரு மார்க்கமாகவும் சிறப்பு ரெயில் இயக்கப்பட உள்ளது. இதன்படி 28-ஆம் தேதி இரவு 11.15 மணிக்கு சென்னையில் இருந்து நெல்லைக்கும் (06052) , 29-ஆம் தேதி பிற்பகல் 3 மணிக்கு நெல்லையில் இருந்து சென்னைக்கும் சிறப்பு ரெயில் (06051) இயக்கப்பட உள்ளது.

சிறப்பு ரெயிலுக்கான முன்பதிவு நாளை (ஜூன் 27) காலை 8 மணிக்கு தொடங்குகிறது.