பள்ளி மாணவர்களுக்கான கூடைப்பந்து போட்டி

தமிழ்நாடு கூடைப்பந்து கழகம் சார்பில் திருச்சி மண்டல அளவிலான 16-வயதுக்கு உட்பட்ட பள்ளி மாணவ- மாணவிகளுக்கான கூடைப்பந்து போட்டிகள் பெரம்பலூர் வெங்கடேசபுரத்தில் உள்ள கோல்டன்கேட்ஸ் மெட்ரிக் மேல்நிலைப்பள்ளி வளாகத்தில் நாளை (வியாழக்கிழமை) தொடங்கி 17-ந் தேதி வரை நடக்கிறது. இதில் திருச்சி, கரூர், புதுக்கோட்டை, பெரம்பலூர், அரியலூர், தஞ்சாவூர், திருவாரூர், நாகப்பட்டினம், மயிலாடுதுறை மற்றும் திண்டுக்கல் ஆகிய 10 மாவட்டங்களில் இருந்து 16 வயதுக்கு உட்பட்ட பள்ளி மாணவ-மாணவிகள் ஏறத்தாழ 400 பேர் கலந்துகொள்ள இருப்பதாக தமிழ்நாடு கூடைப்பந்து கழக மாநில தலைவரும், தமிழ்நாடு ஒலிம்பிக் சங்க பொதுச்செயலாளருமான ஆதவ் அர்ஜூன், மாநில செயலாளர் அஜிஸ் மற்றும் போட்டிகள் ஒருங்கிணைப்புக்குழு தலைவர் ரவிச்சந்திரன், துணைத்தலைவர் ஹரீஸ்ரவிச்சந்திரன் ஆகியோர் தெரிவித்தனர்.