சைக்கிள் திருடியவர் கைது

வேதாரண்யம்:

வேதாரண்யத்தை அடுத்த காந்திநகா் பகுதியைச் சோ்ந்தவர் காளிதாஸ் (வயது35). இவர் சம்பவத்தன்று தனது சைக்கிளை ராஜாஜி பூங்கா அருகே நிறுத்தி வைத்து விட்டு சென்றுள்ளார். பின்னர் அவர் வந்து பார்த்த போது சைக்கிள் காணவில்லை.இது குறித்து வேதாரண்யம் போலீசில் காளிதாஸ் புகார் கொடுத்தார். அதன் பேரில் போலீஸ் சப்-இன்ஸ்பெக்டர் தேவபாலன் மற்றும் போலீசார் வழக்குப்பதிவு செய்து சைக்கிளை திருடிய வேதாரண்யம் கீழ ஆறுகட்டளை பகுதியைச் சேர்ந்த வேதராசு (41) என்பவரை கைது செய்தனர். மேலும் அவரிடம் இருந்து சைக்கிளை பறிமுதல் செய்தனர்.