இரு தரப்பினர் மோதல்; 12 பேர் கைது

கருப்பூர்:-

கருப்பூர் அருகே உள்ள வட்டக்காடு பகுதியை சேர்ந்தவர் பிரதீப் குமார் (வயது 36). எலக்ட்ரீசியன். இவரது உறவினரான காமராஜ். அவரது மகன்கள் கவுதமன், ரூபன், சிபி. இந்த நிலையில் காமராஜ் வீட்டின் அருகில் அதே பகுதியை சேர்ந்த சிலர் பிளக்ஸ் போர்டு அமைக்க பள்ளம் தோண்டி உள்ளனர். இதை காமராஜ், அவரது மகன்கள் மற்றும் பிரதீப்குமார் ஆகியோர் தட்டிக்கேட்டனர். இதனால் இரு தரப்பினரும் மோதிக்கொண்டனர்.

இதில் கல்லால் தாக்கியதில் பிரதீப் குமாரின் மண்டை உடைந்தது. இதனால் அவர் சேலம் அரசு ஆஸ்பத்திரியில் சிகிச்சை பெற்று வருகிறார். இது குறித்த புகாரின் பேரில் கருப்பூர் போலீசார் வழக்குப்பதிவு செய்து அதே பகுதியை சேர்ந்த வல்லரசு (22), அருள்குமார் (22) மற்றும் 17 வயது சிறுவர்கள் உள்பட மொத்தம் 12 பேரை கைது செய்தனர்.