பா.ஜ.க. மகளிர் அணியினர் ஆர்ப்பாட்டம்

பாரதீய ஜனதா கட்சியின் ஈரோடு தெற்கு மற்றும் வடக்கு மாவட்ட மகளிர் அணி சார்பில், தமிழகத்தில் சாராய விற்பனையை தடுக்க தவறியதாக தி.மு.க. அரசை கண்டித்து, ஈரோடு சூரம்பட்டி நால்ரோடு பகுதியில் நேற்று ஆர்ப்பாட்டம் நடந்தது. ஆர்ப்பாட்டத்துக்கு தெற்கு மாவட்ட மகளிர் அணி தலைவி புனிதம் அய்யப்பன் தலைமை தாங்கினார். வடக்கு மாவட்ட மகளிர் அணி தலைவி கலைவாணி முன்னிலை வகித்தார்.

சரஸ்வதி எம்.எல்.ஏ. கலந்து கொண்டு ஆர்ப்பாட்டத்தை தொடங்கி வைத்தார். ஆர்ப்பாட்டத்தில் கலந்து கொண்டவர்கள் சாராய விற்பனையை ஒழிக்கக்கோரியும், தி.மு.க. அரசை கண்டித்தும் கோஷங்கள் எழுப்பினர். இதில் முன்னாள் எம்.பி. சவுந்திரம், தெற்கு மாவட்ட தலைவர் வேதானந்தம் உட்பட பலர் கலந்து கொண்டனர்.