வீட்டை உடைத்து 5 பவுன் நகை திருட்டு

நாசரேத்:

நாசரேத் அருகே உள்ள திருவள்ளூர் காலனியை சேர்ந்தவர் மாரியப்பன். இவர் பலூன் வியாபாரம் செய்து வருகிறார். இவரது மனைவி சின்னம்மாள் ( வயது 65). இவர் நேற்று காலையில் வீட்டிற்கு அருகில் உள்ள உறவினர் வீட்டிற்கு சென்றுள்ளார். மதியம் வீடு திரும்பும்போது வீட்டின் கதவு உடைக்கப்பட்டு உள்ளே உள்ள பீரோவும் உடைக்கப்பட்டு இருந்தது கண்டு அதிர்ச்சி அடைந்துள்ளார். பீரோவில் வைத்து இருந்த 5½ பவுன் நகை திருட்டு போனது தெரியவந்தது. அவர் வெளியே சென்றிருப்பதை அறிந்த மர்ம நபர் வீட்டை உடைத்து நகையை திருடி சென்றது தெரிய வந்தது. இது குறித்த புகாரின்பேரில் நாசரேத் போலீசார் வழக்கு பதிவு செய்து மர்ம நபரை தேடி வருகின்றனர்