வீட்டின் பூட்டை உடைத்து நகை-பணம் திருட்டு

திருப்பரங்குன்றம்,

திருப்பரங்குன்றம் அருகே கணக்கன்குளம் நேதாஜி நகரை சேர்ந்தவர் ஆனந்த் (வயது 59). இவர் சம்பவத்தன்று வீட்டை பூட்டிவிட்டு குடும்பத்துடன் வெளியூர் சென்றுவிட்டார். இதை நோட்டமிட்ட மர்ம ஆசாமிகள் பூட்டை உடைத்து வீட்டுக்குள் புகுந்தனர். பின்னர் அவர்கள் பீரோவின் பூட்டை உடைத்து அதில் இருந்த 2¾ பவுன் நகை, ரூ.7 ஆயிரத்தை திருடி விட்டு தப்பி சென்று விட்டனர்.

இந்த நிலையில் வீடு திரும்பிய ஆனந்த் தனது வீட்டின் பூட்டு உடைக்கப்பட்டு நகை மற்றும் பணம் திருடு போனதை கண்டு அதிர்ச்சி அடைந்தார். பின்னர் இது குறித்து திருநகர் போலீசில் புகார் செய்தார். அதன் பேரில் போலீசார் வழக்குபதிவு செய்து மர்ம ஆசாமிகளை வலைவீசி தேடி வருகின்றனர்.