கணபதி,

கணபதி போலீஸ் குடியிருப்பு பகுதியின் பின்புறம் உள்ள ஜெயமாருதி நகரில் வசிபவர் மகபூப் (வயது 47). பழைய இரும்பு வியாபாரி. இவர் கடந்த 5-ந் தேதி குடும்பத்துடன் சொந்த ஊரான தூத்துக்குடிக்கு சென்றார். பின்னர் கோவை திரும்பி வந்தபோது, அவரது வீட்டின் பூட்டு உடைக்கப்பட்டு இருந்தது.

இதனால் அதிர்ச்சியடைந்த அவர் வீட்டின் உள்ளே சென்று பார்த்தார். அப்போது வீட்டில் இருந்த 2 பவுன் நகை திருட்டு போயிருந்தது. இதுகுறித்த புகாரின் பேரில் சரவணம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.