வாகனம் மோதி கொத்தனார் பலி

இலுப்பூர் அருகே உள்ள சீத்தப்பட்டியை சேர்ந்தவர் பழனியப்பன் (வயது 55), கொத்தனார். இவர் நேற்று இரவு புதுக்கோட்டை-குடுமியான்மலை சாலையில் அண்ணா பண்ணை அருகே பெட்ரோல் இல்லாததால் மோட்டார் சைக்கிளை தள்ளிக் கொண்டு சென்று கொண்டிருந்தார். அப்போது அந்த வழியாக சென்ற அடையாளம் தெரியாத வாகனம் ஒன்று பழனியப்பன் மீது மோதிவிட்டு நிற்காமல் சென்று விட்டது. இதில் படுகாயம் அடைந்த அவர் சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்த அன்னவாசல் போலீசார் சம்பவ இடத்திற்கு சென்று பழனியப்பனின் உடலை மீட்டு பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். இந்த விபத்து குறித்து அன்னவாசல் போலீசார் வழக்குப்பதிவு செய்து விசாரணை நடத்தி வருகின்றனர்.