காரைக்குடி

காரைக்குடி அருகே கோவில் திருவிழாவையொட்டி மாட்டு வண்டி பந்தயம் நடைபெற்றது.

மாட்டுவண்டி பந்தயம்

காரைக்குடி அருகே தளக்காவூரில் உள்ள உசிலாவாடிக்கருப்பர் கோவில் சித்திரை திருவிழாவையொட்டி மாட்டு வண்டி பந்தயம் தளக்காவூர்-கல்லல் சாலையில் நடைபெற்றது. இதில் மொத்தம் 14 வண்டிகள் கலந்து கொண்டன. பெரியமாட்டு வண்டி பந்தயம், சின்ன மாட்டு வண்டி பந்தயம் என இரு பிரிவாக போட்டி நடைபெற்றது. முதலில் நடைபெற்ற பெரியமாட்டு வண்டி பந்தயத்தில் 6 வண்டிகள் கலந்து கொண்டன.

இதில் முதல் பரிசை பாதரக்குடி ஊராட்சி மன்ற தலைவர் மனோஜ் அழகப்பன் மற்றும் ஜெய்ஹிந்த்புரம் அக்னிமுருகன் வண்டியும், 2-வது பரிசை ஏரியூர் தேசிங்கு ராஜா வண்டியும், 3-வது வரிசை சாத்திக்கோட்டை கருப்பையா வண்டியும், 4-வது பரிசை சொக்கம்பட்டி கரடிச்சாமி மற்றும் சிங்கம்புணரி சிவபுரிபட்டி மூர்த்தி வண்டியும் பெற்றது.

பரிசு

பின்னர் நடைபெற்ற சின்ன மாட்டு வண்டி பந்தயத்தில் 8 வண்டிகள் கலந்துகொண்டு முதல் பரிசை தளக்காவயல் காளிமுத்து மற்றும் நல்லாங்குடி சசிக்குமார் வண்டியும், 2-வது பரிசை காரைக்குடி கருப்பணன் வண்டியும், 3-வது பரிசை கல்லல் உடையப்பா சக்தி வண்டியும், 4-வது பரிசை துலையானூர் பொறியாளர் பாஸ்கரன் வண்டியும் பெற்றது.

பந்தயத்தில் வெற்றி பெற்ற வண்டிகளின் உரிமையாளர்களுக்கு பரிசுகள் வழங்கப்பட்டது.