கிருஷ்ணகிரி அரசு மகளிர் பள்ளியில்சுற்றுச்சூழல் மன்ற ஒருங்கிணைப்பாளர்கள் பயிற்சி முகாம்

கிருஷ்ணகிரி அரசு மகளிர் மேல்நிலைப்பள்ளியில் தேசிய பசுமைப்படை மற்றும் சுற்றுச்சூழல் மன்ற ஒருங்கிணைப்பாளர்களுக்கான ஒரு நாள் பயிற்சி முகாம் நடந்தது. மாவட்ட கல்வி அலுவலர் மணிமேகலை, மாவட்ட சுற்றுச்சூழல் பொறியாளர் வெங்கடேசன், முதன்மை கல்வி அலுவலரின் நேர்முக உதவியாளர் வெங்கடேசன், மிஷன் இயற்கை கல்வி அலுவலர் சுமிக்ஷா, பசுமை தோழர் பிருந்தா, சமூக வன விரிவாக்க அலுவலர் சக்திவேல், மாவட்ட உதவி திட்ட ஒருங்கிணைப்பாளர் வடிவேலு, தமிழ்நாடு மாசு கட்டுப்பாட்டு வாரிய உதவி அலுவலர் வினோதினி மறறும் ரங்கராஜ் ஆகியோர் பங்கேற்று பயிற்சி அளித்தனர்.

பயிற்சியில் மரக்கன்றுகள் நடுவதன் அவசியம், பிளாஸ்டிக் பைகளுக்கு பதிலாக மஞ்சப்பை பயன்பாடு குறித்து எடுத்து கூறப்பட்டது. முடிவில் தேசிய பசுமைப்படை மற்றும் சுற்றுச்சூழல் மன்ற ஒருங்கணைப்பாளர்களுக்கு கிருஷ்ணகிரி தமிழ்நாடு மாசுக்கட்டுபாடு வாரியம் சார்பாக மஞ்சப்பை வழங்கி விழிப்புணர்வு ஏற்படுத்தினர். பயிற்சியை பள்ளியின் தலைமை ஆசிரியர் மகேந்திரன் ஒருங்கிணைத்தார். ஏற்பாடுகளை கிருஷ்ணகிரி சுற்றுச்சூழல் மன்ற ஒருங்கிணைப்பாளர் தீர்த்தகிரி, கல்வி மாவட்ட தேசிய பசுமைப்படை ஒருங்கிணைப்பாளர்கள் மகேந்திரன், பாலாஜி ஆகியோர் செய்திருந்தனர்.