கார் டிரைவர் பலி

மேச்சேரி:-

மேச்சேரி அருகே ஓலைப்பட்டி அக்கரையானூர் பகுதியை சேர்ந்தவர் ஈஸ்வரன் (வயது 31). கார் டிரைவர். இவர் சம்பவத்தன்று இரவு மேச்சேரி சாலையில் ஓமலூர் நோக்கி மொபட்டில் சென்றார். சிந்தாமணியூர் அருகே சென்ற போது எதிரே வந்த மொபட் ஈஸ்வரன் ஓட்டி வந்த மொபட் மீது மோதியது. இதில் கீழே விழுந்ததில் ஈஸ்வரன் படுகாயம் அடைந்தார். அவரை அக்கம்பக்கத்தினர் மீட்டு சேலத்தில் உள்ள ஒரு தனியார் மருத்துவமனையில் சிகிச்சைக்காக சேர்த்தனர். அங்கு பலனின்றி அவர் பரிதாபமாக உயிரிழந்தார். மேலும் மற்றொரு மொபட்டில் வந்த 2 பேரும் கீழே விழுந்ததில் காயம் அடைந்தனர். அவர்கள் சேலம் அரசு ஆஸ்பத்திரியில் சிகிச்சை பெற்று வருகிறார்கள். இது குறித்து மேச்சேரி போலீசார் வழக்குப்பதிவு செய்து விசாரணை நடத்தி வருகின்றனர்.