டேங்கர் லாரி மீது சரக்கு ஆட்டோ மோதல்; டிரைவர் பலி

தஞ்சாவூர் மாவட்டம் திருக்காட்டுபள்ளியை சேர்ந்தவர் தனிகோடி. இவருடைய மகன் பிரவீன் குமார் (வயது 19). இவர் நேற்று தஞ்சாவூரில் இருந்து சரக்கு ஆட்டோவை ஓட்டிக்கொண்டு திருப்பத்துரை நோக்கி காலை 5 மணியளவில் சென்று கொண்டிருந்தார். அப்போது மலைக்குடிப்பட்டி அருகே உள்ள வளைவில் சென்று கொண்டிருக்கும்போது மதுரையிலிருந்து தஞ்சாவூரை நோக்கி சென்று கொண்டிருந்த டேங்கர் லாரி மீது எதிர்பாராதவிதமாக சரக்கு ஆட்டோ மோதியது. இதில் பலத்த காயம் அடைந்த பிரவீன் குமார் சம்பவ இடத்திலேயே பரிதாபமாக இறந்தார். இந்த விபத்து குறித்து தகவல் அறிந்த திருமயம் போலீசார் சம்பவ இடத்திற்கு விரைந்து சென்று அவரது உடலை கைப்பற்றி பிரேத பரிசோதனைக்காக திருமயம் அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.