கார் டிரைவரை தாக்கிய 5 பேர் மீது வழக்கு

மோகனூர்

மோகனூர் போலீஸ் சரகம் வளையப்பட்டி அடுத்த திப்ரமாதேவி புதூர் வடக்குதெருவை சேர்ந்த பெரியசாமி மகன் பிரதீப் (வயது 22). கார் டிரைவர். இவர் தனது உறவினர்் ஹேமநாத் என்பவருடன், வளையப்பட்டி பஸ் நிறுத்தம் அருகே சென்று கொண்டிருந்தார். அப்போது திப்ரமாதேவியை சேர்ந்த கார்த்திகேயன், கிருபாகரன் மற்றும் வளையப்பட்டி வள்ளுவர் நகரை சேர்ந்த பூவரசன், வினோத், கண்ணன் ஆகியோர் அவர்களை வழிமறித்தனர். அப்போது பிரதீப்பிடம், உனது தங்கையை கார்த்திகேயனுக்கு திருமணம் செய்து தர கூடாது என ஏன் பிரச்சினை செய்கிறாய் என கேட்டு தகராறு செய்ததாக தெரிகிறது. பின்னர் பிரதீப் அவரது உறவினர் ஹேமநாத் ஆகிய இருவரையும் பாட்டிலால் தாக்கி உள்ளனர். இதில் காயமடைந்த 2 பேரையும் அங்கிருந்தவர்கள் மீட்டு நாமக்கல் அரசு மருத்துவமனையில் சேர்க்கப்பட்டு சிகிச்சை பெற்று வருகின்றனர். இந்தநிலையில் பிரதீப் கொடுத்த புகாரின் பேரில் மோகனூர் போலீஸ் சிறப்பு சப்-இன்ஸ்பெக்டர் தமிழழகன் 5 பேர் மீதும் வழக்குப்பதிவு செய்து விசாரணை நடத்தி வருகின்றனர்.