விவசாயியை தாக்கிய 4 பேர் மீது வழக்கு

குளித்தலை அருகே உள்ள கல்லுப்பட்டி பகுதியை சேர்ந்தவர் ரெத்தினவேல் (வயது 28). விவசாயம் செய்து வரும் இவர் சம்பவத்தன்று தனது ஊரில் நின்று கொண்டிருந்தார். அப்போது, குளித்தலை அருகே உள்ள பரளி பகுதியை சேர்ந்த பிரவீன் என்பவர் கல்லுப்பட்டியில் இருந்து பரளி செல்லும் சாலையில் மோட்டார் சைக்கிளில் வேகமாக சென்றுள்ளார்.

எதற்காக வேகமாக செல்கிறாய் என்று ரெத்தினவேல், பிரவீனை கேட்டுள்ளார். இதையடுத்து பரளியில் உள்ள தனது நண்பர்களை அழைத்து வந்த பிரவீன் ரெத்தினவேலையும் அவரது நண்பரான பிரபாகரன் (29) என்பவரையும் தாக்கியுள்ளனர். இதில் காயம் அடைந்த 2 பேரும் குளித்தலை அரசு மருத்துவமனையில் சேர்க்கப்பட்டனர். மேலும் ரெத்தினவேல் அளித்த புகாரின் பேரில் பிரவீன், அவரது நண்பர்களான சுஜித், அலெக்ஸ், அஜித் ஆகிய 4 பேர் மீதும் குளித்தலை போலீசார் வழக்குப்பதிவு செய்து விசாரணை நடத்தி வருகின்றனர்.