அன்னவாசல்:

இலுப்பூர் அருகே எருக்குமணிப்பட்டியில் உள்ள பகவதியம்மன் கோவிலில் கடந்த 7-ந்தேதி கும்பாபிஷேகம் நடைபெற்றது. அதன் பின்னர் கோவிலில் அன்னதானம் நடந்தது. இதில் பங்கேற்ற ஒரு சமூகத்தை சேர்ந்த ஆறுமுகம் மகன் மருதை (வயது 36) என்பவரை அதே ஊரை சேர்ந்த சிவலிங்கம், லெட்சுமணன், அண்ணாத்துரை, பொன்செல்வம், பாலசுப்பிரமணியன் ஆகிய 5 பேரும் சேர்ந்து சாதி பெயரை சொல்லி மிரட்டியதாக கூறப்படுகிறது. இதுகுறித்து மருதை கொடுத்த புகாரின் பேரில் இலுப்பூர் போலீசார் 5 பேர் மீது வழக்குப்பதிவு செய்து விசாரணை நடத்தி வருகின்றனர்.