அரசு பள்ளி மாணவர்களுக்கு சான்றிதழ்

பொள்ளாச்சி

காமராஜர் பிறந்த நாளையொட்டி அவர் குறித்த பாடல்கள், கவிதைகள் மற்றும் கட்டுரைகளை www.kalviradio.com என்ற இணைய வழி கல்வி வானொலி டெலிகிராம் செயலிக்கு தமிழகம் முழுவதும் பல்வேறு மாவட்டங்களில் இருந்து அரசு பள்ளி மாணவ-மாணவிகள் அனுப்பி வைத்தனர். இதில் வெற்றி பெற்ற 4 ஆயிரம் பேருக்கு சான்றிதழ் வழங்கப்பட்டது. அதன்படி பொள்ளாச்சி அருகே உள்ள ஏரிப்பட்டி ஊராட்சி ஒன்றிய நடுநிலைப்பள்ளி மாணவ-மாணவிகளின் காமராஜர் குறித்த பாடல்கள், கவிதைகள், கட்டுரைகளை வழிகாட்டி ஆசிரியை அனுப்பி வைத்தார். இதில் 19 மாணவ-மாணவிகள் வெற்றி பெற்றனர். வெற்றி பெற்றவர்களுக்கு பள்ளியில் சான்றிதழ் வழங்கும் விழா நடைபெற்றது. தலைமை ஆசிரியர் சுகந்தி தலைமை தாங்கினார். மாணவ-மாணவிகளுக்கு சான்றிதழ்களை ஆசிரியை கீதா வழங்கி பேசினார். அப்போது இதுபோன்ற போட்டிகள் மூலம் மாணவ-மாணவிகளின் எழுதும் திறன், வாசித்தல் திறன், உச்சரிப்பு திறன் அதிகமாகி தலைமை பண்பு மேலோங்கும் என்றார். விழாவில் ஆசிரியர்கள், மாணவ-மாணவிகள் கலந்துகொண்டனர்.