சிறப்பாக பணியாற்றியவர்களுக்கு சான்றிதழ்

ஆரணி

75-வது சுதந்திர தின விழாவை முன்னிட்டு ஆரணி வருவாய் கோட்டத்திற்கு உட்பட்ட ஆரணி, போளூர், ஜமுனாமருதூர், கலசப்பாக்கம் ஆகிய தாலுகாக்களில் உள்ள வருவாய்த்துறை, ‌காவல் துறை, சுகாதாரத்துறை, தீயணைப்புத்துறை, ஆரணி நகராட்சி, கல்வித்துறை, வேளாண்மைத்துறை உள்பட அனைத்து அரசுத்துறை அலுவலகங்களில் சிறப்பாக பணியாற்றிய அரசு அலுவலர்களுக்கு பாராட்டு சான்றிதழ் வழங்கும் நிகழ்ச்சி இன்று மாலை ஆரணி உதவி கலெக்டர் அலுவலகத்தில் நடந்தது.

உதவி கலெக்டரின் நேர்முக உதவியாளர் க.பெருமாள் வரவேற்றார்.

சிறப்பாக பணியாற்றிய 152 அரசு அலுவலர்களுக்கு பாராட்டு சான்றிதழ்களை உதவி கலெக்டர் எம்.தனலட்சுமி வழங்கினார்.

இதில் ஆரணி துணை போலீஸ் சூப்பரண்டு ரவிச்சந்திரன், தாசில்தார்கள் ஆர்.ஜெகதீசன் (ஆரணி), சண்முகம் (போளுர்), வெங்கடேசன் (ஜமுனாமருத்தூர்), தட்சிணாமூர்த்தி (கலசபாக்கம்), ஆரணி சமூக பாதுகாப்பு திட்ட தாசில்தார் பாலாஜி, எஸ்.வி.நகரம் ஆரம்ப சுகாதார நிலைய மருத்துவ அலுவலர் சுதா, போலீஸ் இன்ஸ்பெக்டர்கள் கோகுல்ராஜன், பி.புகழ், தீயணைப்பு நிலைய அலுவலர் கோபாலகிருஷ்ணன் மற்றும் மருத்துவத் துறை அலுவலர்கள் கலந்து கொண்டனர்.