தமிழகத்தில் 9 மாவட்டங்களில் நள்ளிரவு வரை மழைக்கு வாய்ப்பு - வானிலை ஆய்வு மையம்

சென்னை,

தென்மேற்கு வங்கக்கடல் மற்றும் அதனை ஒட்டிய பகுதிகளில் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக தமிழகம் மற்றும் புதுச்சேரியில் கனமழை பெய்யக்கூடும் என்று வானிலை மையம் முன்னதாக தெரிவித்து இருந்தது.

இந்த நிலையில், தமிழகத்தில் 9 மாவட்டங்களில் நள்ளிரவு 12.15 மணி வரை மழைக்கு வாய்ப்பு இருப்பதாக சென்னை வானிலை ஆய்வுமையம் தகவல் தெரிவித்து உள்ளது.

சென்னை, செங்கல்பட்டு, காஞ்சிபுரம், வேலூர், திருப்பத்தூர், தென்காசி, திருவள்ளூர், ராணிப்பேட்டை,திருவண்ணாமலை ஆகிய 9 மாவட்டங்களில் நள்ளிரவு 12.15 மணி வரை மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்து உள்ளது.