கடந்த 2 நாட்களில் கறிக்கோழி விலை கிலோவுக்கு ரூ.14 உயர்ந்தது

நாமக்கல் மண்டலத்தில் கறிக்கோழி கிலோ ரூ.78-க்கு விற்பனை செய்யப்பட்டு வந்தது‌. இந்த நிலையில் நேற்று முன்தினம் பல்லடத்தில் நடந்த கறிக்கோழி ஒருங்கிணைப்புக்குழு கூட்டத்தில் அதன் விலையை ரூ.7 உயர்த்த முடிவு செய்யப்பட்டது. இதையடுத்து கறிக்கோழி விலை கிலோவுக்கு ரூ.85-ஆக உயர்ந்தது.

இதற்கிடையே நேற்று பல்லடத்தில் நடந்த கறிக்கோழி ஒருங்கிணைப்புக்குழு கூட்டத்தில் அதன் விலையை மேலும் ரூ.7 உயர்த்த முடிவு செய்யப்பட்டது. இதை தொடர்ந்து கறிக்கோழி விலை கிலோவுக்கு ரூ.92 என நிர்ணயம் செய்யப்பட்டது. கடந்த 2 நாட்களில் கறிக்கோழி விலை ரூ.14 உயர்ந்து இருப்பதால் பண்ணையாளர்கள் மகிழ்ச்சி அடைந்துள்ளனர்.

இதனிடையே முட்டைக்கோழி கிலோ ரூ.91-க்கு விற்பனை செய்யப்பட்டு வந்தது‌. முட்டை கொள்முதல் விலை 41 காசுகளாக இருந்து வந்தது. அவற்றின் விலையில் மாற்றம் செய்யப்படவில்லை என பண்ணையாளர்கள் தெரிவித்தனர்.