68-வது தேசிய திரைப்பட விருது: தம்பி சூர்யா, யோகிபாபு உள்ளிட்ட நடிகர்-நடிகைகளுக்கு முதல்-அமைச்சர் மு.க.ஸ்டாலின் வாழ்த்து

சென்னை,

2020ம் ஆண்டிற்கான 68-வது தேசிய திரைப்பட விருதுகள் பற்றிய அறிவிப்பை டெல்லியில் வெளியிட்டனர். 5 விருதுகளை அள்ளிய சூரரைப்போற்று சுதா இயக்கத்தில் சூர்யா நடித்து ஓடிடியில் வெளியான படம் 'சூரரைப்போற்று'. ஏர் டெக்கான் நிறுவனர் கேப்டன் கோபிநாத்தின் வாழ்க்கையை தழுவி எடுக்கப்பட்ட இந்த படம் ரசிகர்களின் வரவேற்பை பெற்றது. அபர்ணா பாலமுரளி நாயகியாக நடித்தார். ஜி.வி,பிரகாஷ் இசையமைத்தார்.

இந்நிலையில் இன்று அறிவிக்கப்பட்ட தேசிய விருதில் இந்த படம் சிறந்த நடிகர், நடிகை, படம், பின்னணி இசை மற்றும் திரைக்கதை என 5 தேசிய விருதுகளை அள்ளியது. வசந்த் சாய் படத்திற்கு 3 விருதுஇயக்குனர் வசந்த் சாய் இயக்கிய சிவரஞ்சனியும் இன்னும் சில பெண்களும் படம் மொழி வாரியாக தேர்வான படங்களில் சிறந்த தமிழ் படமாக தேர்வாகி உள்ளது.

மேலும் இந்த படத்திற்கு சிறந்த துணை நடிகை (லட்சுமி பிரியா) மற்றும் சிறந்த எடிட்டர் (ஸ்ரீகர் பிரசாத்)-க்கான விருதும் பெற்றது.மண்டேலாவுக்கு 2அறிமுக இயக்குனர் மடோன் அஸ்வின் இயக்கத்தில் யோகி பாபு கதையின் நாயகனாக நடித்த மண்டேலா படம் டிவியில் நேரடியாக வெளியானது.

இந்த படத்திற்கு சிறந்த வசனம் மற்றும் அறிமுக இயக்குனருக்கான 2 விருதுகள் கிடைத்துள்ளன.

தேசிய விருதுகள் விபரம் வருமாறு : சிறந்த தமிழ் படம் : சிவரஞ்சனியும் இன்னும் சில பெண்களும்

சிறந்த படம் : சூரரைப்போற்று சிறந்த நடிகர்கள் : சூர்யா (சூரரைப்போற்று) மற்றும் அஜய் தேவ்கன் (தன்ஹாஜி) சிறந்த நடிகை : அபர்ணா பாலமுரளி (சூரரைப்போற்று)

சிறந்த இயக்குனர் : சாச்சி (அய்யப்பனும் கோஷியும்) சிறந்த அறிமுக இயக்குனர் : மடோன் அஸ்வின் (மண்டேலா) சிறந்த துணை நடிகர் : பிஜூ மேனன் (அய்யப்பனும் கோஷியும் - மலையாளம்) சிறந்த துணை நடிகை : லட்சுமி பிரியா (சிவரஞ்சனியும் இன்னும் சில பெண்களும்) சிறந்த பின்னணி இசையமைப்பாளர் : ஜிவி பிரகாஷ் (சூரரைப்போற்று)

சிறந்த பின்னணி பாடகி : நஞ்சம்மா (அய்யப்பனும் கோஷியும் - மலையாளம்)சிறந்த பின்னணி பாடகர் : ராகுல் தேஷ் பாண்டே (நீ வசந்த ராவ் - மராத்தி)சிறந்த திரைக்கதை : சுதா கொங்கரா - ஷாலினி உஷா நாயர் (சூரரைப்போற்று) சிறந்த எடிட்டர் : ஸ்ரீகர் பிரசாத் (சிவரஞ்சனியும் இன்னும் சில பெண்களும்) சிறந்த ஒளிப்பதிவாளர் : சுபர்தீம் போல் (அவிஜத்ரிக் - பெங்காலி)சிறந்த இசையமைப்பாளர் : தமன் (அலவைகுந்தபுரம் - தெலுங்கு) சிறந்த வசன அமைப்பு : மடோன் அஸ்வின் (மண்டேலா)சிறந்த குழந்தைகள் படம் : சுமி (மராத்தி) சிறந்த சுற்றுச்சூழல் படம் : தலேதந்தா (கன்னடம்)சிறந்த சமூக படம் : பியூனரல் (மராத்தி)சிறந்த ஒட்டுமொத்த பொழுதுபோக்கு படம் : தன்ஹாஜி (இந்தி)

இந்தநிலையில், 68-வது தேசிய திரைப்பட விழாவில் விருது பெற்ற அனைத்து விருதாளர்களுக்கும் முதல்-அமைச்சர் மு.க.ஸ்டாலின் வாழ்த்து தெரிவித்து உள்ளார்.

தமிழக முதல்-அமைச்சர் மு.க.ஸ்டாலின் தனது 'டுவிட்டர்' பக்கத்தில் வெளியிட்டுள்ள வாழ்த்து செய்தியில் கூறியிருப்பதாவது:-

68-வது தேசிய திரைப்பட விருதுகள் விழாவில், விருதுகளை குவித்து தமிழ் திரையுலகுக்கு பெருமை சேர்த்துள்ள தம்பி சூர்யா, சுதா கொங்கரா, ஜி.வி.பிரகாஷ்குமார், அபர்ணா பாலமுரளி உள்பட 'சூரரைப் போற்று' படக்குழுவினருக்கும்,

டைரக்டர் வசந்த், லட்சுமி பிரியா சந்திரமவுலி, ஸ்ரீகர் பிரசாத் உள்ளிட்ட 'சிவரஞ்சனியும், இன்னும் சில பெண்களும்' படக்குழுவினருக்கும்,

மடோன் அஸ்வின், யோகிபாபு உள்ளிட்ட 'மண்டேலா' படக்குழுவினருக்கும் எனது பாராட்டுகள்.

அனைத்து விருதாளர்களுக்கும் வாழ்த்துகள்.

சமூக பொறுப்புணர்வு மிகுந்த முற்போக்கான படைப்புகள் திரையை ஆளட்டும்.

இவ்வாறு அதில் அவர் கூறியுள்ளார்.