கோவை மாணவர்கள் சாதனை

குஜராத் மாநிலத்தில் 38-வது தேசிய சப்-ஜூனியர் நீச்சல் போட்டி நடைபெற்றது. இதில் தமிழகம் மட்டுமின்றி கேரளா, ஆந்திரா, டெல்லி, மராட்டியம் உள்பட பல்வேறு மாநிலங்களை சேர்ந்த ஏராளமான மாணவ-மாணவிகள் கலந்து கொண்டனர். இதில் பங்கேற்ற மாணவ-மாணவிகளுக்கு ப்ரீ ஸ்டைல், பேக் ஸ்ட்ரோக், பிரீஸ் ஸ்ட்ரோக், ரிலே உள்பட பல்வேறு பிரிவுகளில் 50 மீட்டர், 100 மீ, 200 மீ, 400 மீ தூர போட்டிகள் நடைபெற்றது.

இதில் பங்கேற்ற கோவையை சேர்ந்த மாணவன் கபிலன் 200 மீ தூர ப்ரீ ஸ்டைல் பிரிவில் வெள்ளி, 400 மீ தூர ப்ரீ ஸ்டைல் பிரிவில் வெண்கலம், 50 மீ பேக் ஸ்ட்ரோக் பிரிவில் வெண்கலம், 100 மீ பேக்ஸ்ட்ரோக் பிரிவில் வெள்ளி வென்று சாதனை படைத்தார். மாணவன் வினய்ஸ்ரீ 200 மீட்டர் ரிலே நீச்சல் போட்டியில் வெள்ளி வென்றார். சாதனை படைத்த மாணவர்களை பயிற்சியாளர் ஜெயராஜ் மற்றும் சக மாணவ-மாணவிகள் பாராட்டினர்.