சமயபுரம் மாரியம்மன் கோவிலில் உண்டியல்களில் ரூ.81 லட்சம் காணிக்கை வசூல்

சமயபுரம்:

சமயபுரம் மாரியம்மன் கோவிலுக்கு வரும் பக்தர்கள், அங்குள்ள உண்டியல்களில் தங்கள் காணிக்கைகளை செலுத்துகின்றனர். அவ்வாறு பக்தர்கள் செலுத்தும் காணிக்கைகளை கோவில் நிர்வாகம் சார்பாக மாதம் 2 முறை எண்ணப்படுவது வழக்கம். அதன்படி, இந்த மாதம் முதல் முறையாக நேற்று கோவில் இணை ஆணையர் கல்யாணி மற்றும் இந்து சமய அறநிலையத் துறை அதிகாரிகள் முன்னிலையில் உண்டியல்கள் திறக்கப்பட்டு, காணிக்கைகளை எண்ணும் பணி நடந்தது. இதில் ரூ.81 லட்சத்து 50 ஆயிரத்து 390 ரொக்கமும், 2 கிலோ 771 கிராம் தங்கமும், 3 கிலோ 451 கிராம் வெள்ளியும், வெளிநாட்டு பணம் 190-ம் கிடைத்துள்ளதாக கோவில் நிர்வாகம் தெரிவித்துள்ளது. உண்டியல் காணிக்கை எண்ணும் பணியில் கோவில் பணியாளர்கள் மற்றும் ஊழியர்கள் ஈடுபட்டனர்.