கல்லூரி மாணவி டெங்கு காய்ச்சலுக்கு அனுமதி

காவேரிப்பாக்கம்

கல்லூரி மாணவி டெங்கு காய்ச்சலுக்கு அனுமதிக்கப்பட்டுள்ளார்.

ராணிப்பேட்டை மாவட்டம், பனப்பாக்கம் அடுத்த பொய்கைநல்லூர் கிராமத்தில் 18 வயது இளம்பெண் ஆற்காட்டில் உள்ள தனியார் கல்லூரியில் படித்து வருகிறார். இவருக்கு கடந்த 4 நாட்களாக கடுமையான காய்ச்சல் இருந்துள்ளது. இதனால் அவரை சிகிச்சைக்காக வாலாஜா அரசு மருத்துவமனையில் சேர்த்தனர். அங்கு பரிசோதனை செய்யப்பட்டதில் டெங்கு காய்ச்சல் இருப்பது தெரிய வந்தது. இதையடுத்து அவர் மேல்சிகிச்சைக்காக சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார்.