தினத்தந்தி புகார் பெட்டி: மக்கள் குறைகள் தொடர்பான பதிவுகள்

நடவடிக்கை தேவை

சிவகங்கை ரெயில் நிலையத்தில் இரவு நேரங்களில் சமூக விரோதிகள் மது அருந்துவது மற்றும் பாட்டில்களை அங்கேயே உடைத்து செல்வது போன்ற செயல்களில் ஈடுபடுகிறார்கள். இதனால் ரெயில் நிலையத்திற்கு வரும் பயணிகள் மிகவும் சிரமப்படுகின்றனர். எனவே அதிகாரிகள் இது குறித்து நடவடிக்கை எடுக்க வேண்டும்.

பொதுமக்கள், சிவகங்கை.

கண்மாய் தூர்வாரப்படுமா?

சிவகங்கை மாவட்டம் கல்லல் ஒன்றியம் நடராசபுரம் ஊராட்சி பிலாமிச்சம்பட்டி கண்மாய் மற்றும் நீர்வரத்து கால்வாய்களை தூர்வார சம்பந்தப்பட்ட அதிகாரிகள் நடவடிக்கை எடுக்க வேண்டும்.

ரவீந்திரன், கல்லல்.

விபத்து அபாயம்

சிவகங்கை மாவட்டம் காரைக்குடி மற்றும் அதனை சுற்றியுள்ள பகுதி சாலைகளில் சில இடங்களில் சாலையோரங்களில் மண் மேவி காணப்படுகிறது. இதனால் வாகன ஓட்டிகளுக்கு விபத்து ஏற்படும் அபாயம் உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், காரைக்குடி.

சாலையில் சுற்றும் கால்நடைகள்

சிவகங்கை மாவட்டம் திருப்புவனம் மற்றும் அதனை சுற்றியுள்ள பகுதிகளில் சாலையில் கால்நடைகள் அதிக அளவில் சுற்றித்திரிகின்றன. இதனால் சாலையில் செல்லும் வாகன ஓட்டிகள் மிகவும் சிரமப்படுகின்றனர். எனவே சாலையில் கால்நடைகள் சுற்றித்திரிவதை தடுக்க நடவடிக்கை எடுக்க வேண்டும்.

கார்த்திக், திருப்புவனம்.

தெருநாய்கள் தொல்லை

சிவகங்கை மாவட்டம் மானாமதுரை மற்றும் அதனை சுற்றியுள்ள பகுதிகளில் தெருநாய்களின் தொல்லை அதிக அளவில் உள்ளது. இதனால் இந்த பகுதியில் உள்ளவர்கள் வெளியே செல்ல மிகவும் அச்சப்படுகின்றனர். எனவே இந்த பகுதியில் சுற்றித்திரியும் தெருநாய்களை பிடித்து அப்புறப்படுத்த அதிகாரிகள் நடவடிக்கை எடுப்பார்களா?

பொதுமக்கள், மானாமதுரை.