தினத்தந்தி புகார் பெட்டி: மக்கள் குறைகள் தொடர்பான பதிவுகள்

சேதமடைந்த சாலை

சிவகங்கை மாவட்டம் மானாமதுரை பகுதி சாலைகள் சில இடங்களில் சேதமடைந்து காணப்படுகிறது. இதனால் இருசக்கர வாகன ஓட்டிகள் மிகவும் சிரமப்படுவதுடன் விபத்துக்குள்ளாகி காயமும் அடைகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

விபத்து அபாயம்

சிவகங்கை மாவட்டம் காரைக்குடி பகுதி நகர்ப்புற சாலைகளில் சிலர் கனரக வாகனங்களை நிறுத்திவிட்டு செல்வதால் போக்குவரத்து நெரிசல் ஏற்படுகிறது. இதனால் விபத்து ஏற்படும் அபாயமும் உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

குப்பைகள் அகற்றப்படுமா?

சிவகங்கை மாவட்டம் காளையார் கோவில் மற்றும் சுற்றுவட்டார பகுதிகளில் சிலர் சாலைகளில் குப்பைகளை கொட்டுகின்றனர். இதனால் சாலையில் நடந்து செல்வோர் மிகவும் சிரமப்படுகின்றனர். மேலும் குப்பைகள் எரிக்கப்படுவதால் காற்று மாசுபடுகிறது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

குறைந்த மின்னழுத்தம்

சிவகங்கை மாவட்டம் தேவகோட்டை வட்டம் உறுதிகோட்டை ஊராட்சி திட்டுக்கோட்டை பகுதியில் குறைந்த மின்னழுத்த பிரச்சினை உள்ளது. இதனால் இந்த பகுதியில் உள்ளவர்கள் வீட்டில் உள்ள மின் சாதன பொருட்களை பயன்படுத்த முடியாமல் சிரமப்படுகின்றனர். எனவே இதனை சரி செய்ய அதிகாரிகள் நடவடிக்கை எடுக்க வேண்டும்.

விஷப்பூச்சிகள் நடமாட்டம்

சிவகங்கை மாவட்டம் திருப்பத்தூர் பகுதிகளில் சில நாட்களாக பாம்பு, தேள் உள்ளிட்ட விஷப்பூச்சிகள் குடியிருப்பு பகுதிகளில் அதிகம் சுற்றித்திரிகின்றன. இதனால் பொதுமக்கள் வெளியே செல்ல மிகவும் அச்சப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.