பதுக்கப்பட்ட ரேஷன் அரிசி பறிமுதல்

புதுக்கோட்டை மாவட்ட குடிமை பொருள் வழங்கல் குற்ற புலனாய்வு துறை போலீஸ் நிலைய சப்-இன்ஸ்பெக்டர் செல்வமணி தலைமையில் போலீசார் ரோந்து பணியில் ஈடுபட்டனர். அப்போது குன்றாண்டார்கோவில் பகுதியில் ஒரு இடத்தில் ரேஷன் அரிசி பதுக்கி வைத்திருப்பதாக தகவல் கிடைத்தது.

அதன்பேரில் அங்கு சென்ற போலீசார் சோதனை நடத்தினர். இதில் 1 டன் 300 கிலோ ரேஷன் அரிசி மூட்டைகளை போலீசார் பறிமுதல் செய்தனர். மேலும் ரேஷன் அரிசி மூட்டைகளை பதுக்கி வைத்திருந்த செம்பட்டிவிடுதி நால்ரோட்டை சேர்ந்த சேகரை (வயது 42) கைது செய்தனர்.