காதல் தகராறில் மோதல்; வாலிபருக்கு கத்திக்குத்து

வெள்ளலூர்

காதல் தகராறில் ஏற்பட்ட மோதலில் வாலிபருக்கு கத்திக்குத்து விழுந்தது. இதுதொடர்பாக அண்ணன் - தம்பி கைது செய்யப்பட் டுள்ளனர்.

காதல் தகராறு

கோவை வெள்ளலூர், ஹவுசிங் யூனிட்டில் வசிப்பவர் சிக்கந்தர்.இவரது மகன் சேக் முகமது (வயது 23) டிரைவர். இவர் வெள்ளலூரில் உள்ள ஒரு பள்ளிக்கூடம் அருகே நின்று கொண்டிருந்தார். அப்போது இவரிடம் அதே பகுதியை சேர்ந்த லட்சுமணன் (24),இவரது தம்பி நவீன் குமார் என்ற நவீன் (19) ஆகியோர் தகராறு செய்தனர். இந்த தகராறில் சேக் முகமதுக்கு கத்திக்குத்து விழுந்தது. இதில் படுகாயம் அடைந்த அவரை அக்கம் பக்கத்தினர் மீட்டு சிகிச்சைக்காக கோவை அரசு மருத்துவமனையில் சேர்த்தனர்.

அண்ணன்- தம்பி கைது

காதல் தகராறு காரணமாகஇந்த மோதல் ஏற்பட்டதாக கூறப்படுகிறது. இது குறித்து போத்தனூர் போலீசில்புகார் செய்யப்பட்டது. போலீசார் வழக்கு பதிவு செய்து லட்சுமணன், அவரது தம்பி நவீன் குமார் என்ற நவீன் ஆகியோரை கைது செய்தனர்.அவர்கள் மீது கொலை முயற்சி உட்பட 3 பிரிவுகளில் வழக்கு பதிவு செய்யப்பட்டுள்ளது.