மோட்டார்சைக்கிள் மோதி கட்டிட மேஸ்திரி சாவு

திருத்துறைப்்பூண்டி அருகே மோட்டார்சைக்கிள் மோதி கட்டிட மேஸ்திரி பரிதாபமாக இறந்தார். இதில் 2 பேர் காயமடைந்தனர்.

கட்டிட மேஸ்திரி சாவு

திருவாரூர் மாவட்டம் திருத்துறைப்பூண்டி அருகே நெடும்பலம் பள்ளிவாசல் தெருவை சேர்ந்தவர் மைதீன் (வயது70). இவர் கட்டிட மேஸ்திரியாக வேலை பார்த்து வந்தார். சம்பவத்தன்று இவர் பள்ளிவாசலில் தொழுது விட்டு முத்துப்பேட்டை சாலையில் வீட்டுக்கு நடந்து சென்று கொண்டிருந்தார். அப்போது பின்னால் வந்த மோட்டார்சைக்கிள் எதிர்பாராதவிதமாக மைதீன் மீது மோதியது. இ்தில் படுகாயமடைந்த அவரை அக்கம்பக்கத்தினர் மீட்டு உடனடியாக 108 ஆம்புலன்ஸ் மூலம் திருத்துறைப்பூண்டி அரசு ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலனின்றி நேற்று மைதீன் பரிதாபமாக இறந்தார்.

2 பேர் காயம்

இந்த விபத்தில் மோட்டார்சைக்கிளில் வந்த கொருக்கையை சேர்ந்த திருமுருகன், கண்ணன் ஆகியோர் காயமடைந்தனர். அவர்கள் 2 பேரும் சிகிச்சை பெற்று வருகின்றனர். இதுகுறித்து மைதீன் மகன் முத்தலீப் கொடுத்த புகாரின் பேரில் திருத்துறைப்பூண்டி துணை போலீஸ் சூப்பிரண்டு சோமசுந்தரம், இன்ஸ்பெக்டர் கழனியப்பன் மற்றும் போலீசார் வழக்குப்பதி்வு செய்து விசாரணை நடத்தி வருகின்றனர்.