மேலும் 2 பேருக்கு கொரோனா

ஈரோடு மாவட்டத்தில் நேற்று முன்தினம் 245 பேருக்கு பரிசோதனை செய்ததில் 2 பேருக்கு கொரோனா பாதிப்பு இருந்தது. இந்த நிலையில் நேற்று சுகாதாரத்துறை சார்பில் வெளியிடப்பட்ட பட்டியலின்படி, மாவட்டத்தில் புதிதாக 2 பேருக்கு கொரோனா தொற்று பரவி உள்ளது. இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 1 லட்சத்து 32 ஆயிரத்து 691 ஆக உயர்ந்தது.

நேற்று 2 பேர் குணமடைந்த நிலையில் மாவட்டத்தில் இதுவரை மொத்தம் 1 லட்சத்து 31 ஆயிரத்து 944 பேர் தொற்றில் இருந்து மீண்டு உள்ளனர். இதுவரை 734 பேர் கொரோனாவுக்கு பலியாகி உள்ள நிலையில் தற்போது தொற்று உள்ள 13 பேரில் சிலர் வீட்டு தனிமையிலும், சிலர் மருத்துவமனைகளிலும் சிகிச்சை பெற்று வருகிறார்கள்.