42 பேருக்கு கொரோனா

சேலம் மாவட்டத்தில் கடந்த 2 நாட்களாக கொரோனா பாதிப்பு அதிகரித்து வருகிறது. நேற்று முன்தினம் கொரோனாவுக்கு 36 பேர் பாதிக்கப்பட்டனர். இந்த நிலையில் நேற்று 42 பேருக்கு கொரோனா தொற்று ஏற்பட்டுள்ளது. சேலம் மாநகராட்சிக்குட்பட்ட பகுதிகளில் 19 பேர், வீரபாண்டியில் 6 பேர், ஓமலூரில் 4 பேர், பனமரத்துப்பட்டியில் 3 பேர், நங்கவள்ளி, சேலம் ஒன்றியம் ஆகிய பகுதிகளில் தலா 2 பேர், சங்ககிரி, தாரமங்கலம், எடப்பாடி, கெங்கவல்லி, வாழப்பாடி, அயோத்தியாப்பட்டணம் ஆகிய பகுதிகளில் தலா ஒருவரும் கொரோனாவுக்கு பாதிக்கப்பட்டனர். இவர்கள் ஆஸ்பத்திரிகளில் அனுமதிக்கப்பட்டு சிகிச்சை பெற்று வருகின்றனர்.