கோவை மாவட்டத்தில் புதிதாக 89 பேருக்கு கொரோனா

கோவை மாவட்டத்தில் புதிதாக 89 பேருக்கு கொரோனா தொற்று நேற்று உறுதி செய்யப்பட்டுள்ளது. இதனைத் தொடர்ந்து மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 3 லட்சத்து 30 ஆயிரத்து 669 ஆக உயர்ந்துள்ளது. நேற்று கொரோனா பாதிப்புக்கு உயிரிழப்பு ஏதும் பதிவாகவில்லை. மேலும் கொரோனா தொற்றுக்கு சிகிச்சை பெற்று வந்த 31 பேர் குணமடைந்து வீடு திரும்பினர்.

கோவையில் இதுவரை 3 லட்சத்து 27 ஆயிரத்து 705 பேர் கொரோனாவில் இருந்து குணமடைந்துள்ளனர். 2,617 பேர் கொரோனா நோய்த் தொற்றுக்கு பலியாகியுள்ளனர். தற்போது 347 பேர் சிகிச்சைப் பெற்று வருகின்றனர். கொரோனா பரவல் அதிகரித்துள்ளதால் தடுப்பு நடவடிக்கை தீவிரப்படுத்தப்பட்டுள்ளது.