ராசிபுரத்தில் ரூ.20 லட்சத்துக்கு பருத்தி ஏலம்

ராசிபுரம்:

ராசிபுரம் தொடக்க வேளாண்மை உற்பத்தியாளர்கள் கூட்டுறவு சங்கத்தில் நேற்று பருத்தி ஏலம் நடந்தது. இந்த ஏலத்துக்கு 996 மூட்டை பருத்தியை விவசாயிகள் விற்பனைக்கு கொண்டு வந்தனர். ஆர்.சி.எச். ரக பருத்தி ஒரு குவிண்டால் குறைந்தபட்சமாக ரூ.6 ஆயிரத்து 579-க்கும், அதிகபட்சமாக ரூ.8 ஆயிரத்து 225-க்கும், கொட்டு ரக பருத்தி ஒரு குவிண்டால் ரூ.4 ஆயிரத்து 899-க்கும், அதிகபட்சமாக ரூ.6 ஆயிரத்து 50-க்கும் விற்பனையானது. மொத்தம் ரூ.20 லட்சத்துக்கு பருத்தி ஏலம் நடந்தது.