மாணவர் சேர்க்கைக்கான கலந்தாய்வு

மணல்மேடு:

மணல்மேடு அரசு கலை அறிவியல் கல்லூரியில் மாணவர் சேர்க்கைக்கான கலந்தாய்வு வருகிற 23, 24-ந் தேதிகளில் நடக்கிறது.

இது தொடர்பாக கல்லூரி முதல்வர் ராஜேந்திரன் வெளியிட்டுள்ள ஒரு செய்திக்குறிப்பில் தெரிவித்துள்ளதாவது:-

கலந்தாய்வு

மயிலாடுதுறை மாவட்டம் மணல்மேடு அரசு கலை மற்றும் அறிவியல் கல்லூரியில் 2022-23-ம் ஆண்டிற்கான இளங்கலை மற்றும் இளம் அறிவியல் இறுதி கட்ட மாணவர் சேர்க்கைக்கான கலந்தாய்வு வருகிற 23-ந் தேதி(செவ்வாய்க்கிழமை) மற்றும் 24-ந் தேதி(புதன்கிழமை) மதிப்பெண் அடிப்படையில் நடைபெற உள்ளது.23-ந் தேதி அன்று இளம் அறிவியல் பி.எஸ்சி. கணிதம், இயற்பியல், வேதியியல் மற்றும் கணினி அறிவியல் துறைகளுக்கும் 24-ந் தேதி அன்று இளங்கலை பி.காம்., பி.ஏ. தமிழ், ஆங்கிலம், வரலாறு மற்றும் பி.பி.ஏ. வணிக நிர்வாகவியல் ஆகிய துறைகளுக்கும் கலந்தாய்வு நடக்கிறது.

பாட மாற்றம்

ஏற்கனவே விண்ணப்பம் செய்திருந்த அனைத்து வகுப்பினை சார்ந்த மாணவ, மாணவி்களும் இந்த கலந்தாய்வில் கலந்து கொள்ளலாம். இதுவரை விண்ணப்பிக்காத மாணவர்களும் கல்லூரி அலுவலகத்தில் சேர்க்கை விண்ணப்பம் பெற்று பூர்த்தி செய்து அதனை சமர்ப்பித்து கலந்தாய்வில் கலந்து கொள்ளுமாறு கேட்டுக் கொள்ளப்படுகிறார்கள்.ஏற்கனவே சேர்க்கையான மாணவ, மாணவிகள் பாட மாற்றம் விரும்பினாலும் இந்த கலந்தாய்வில் கலந்து கொள்ள அறிவுறுத்தப்படுகிறது.

இணையதளத்தில்...

கலந்தாய்வில் கலந்து கொள்பவர்கள் தங்களது மாற்றுச்சான்றிதழ், மதிப்பெண் சான்றிதழ், ஆதார் அட்டை, வங்கி கணக்கு புத்தகம் ஆகியவற்றின்அசல் சான்றிதழ்களுடன், நகல் 5 பிரதிகள், போட்டோ 5 பிரதிகள் எடுத்துக் கொண்டு தங்கள் பெற்றோருடன் கலந்து கொள்ள வேண்டும்.கலந்தாய்வில் கலந்து கொண்டு சேர்க்கை பெற்றவர்கள் சேர்க்கை கட்டணத்தை அன்றே அலுவலகத்தில் செலுத்த வேண்டும். மாணவர்கள் சேர்க்கை தொடர்பான விவரங்களை http://gascmImdin என்ற இணையதளத்தில் காணலாம். குறுஞ்செய்தி, செல்போன் மூலம் மாணவர்களுக்கு கலந்தாய்வு குறித்த விவரங்கள் தெரிவி்கப்படும். இவ்வாறு அதில் கூறப்பட்டுள்ளது.