சிறப்பு பிரிவு மாணவர்களுக்கு கலந்தாய்வு

வடவள்ளி

தமிழ்நாடு வேளாண்மை பல்கலைக்கழகத்தில் சிறப்பு பிரிவு மாணவர்களுக்கான கலந்தாய்வு நடைபெற்றது.

மாணவர் சேர்க்கை

தமிழ்நாடு வேளாண்மை பல்லைக்கழகத்தின் உறுப்பு, இணைப்புக் கல்லூரிகளில் 12 இளநிலை பட்டப் படிப்புகள் நடத்தப்படு கின்றன. இதில், 2022-2023-ம் கல்வி ஆண்டுக்கான இளநிலை பட்டப்படிப்பு மாணவா் சோ்க்கைக்கு இணையதளம் மூலம் விண்ணப்பங்கள் பெறப்பட்டன.

உறுப்புக் கல்லூரிகளில் 2 ஆயிரத்து 148 இடங்கள், இணைப்பு கல்லூரிகளில் 2 ஆயிரத்து 337 இடங்களுக்கு மொத்தம் 37 ஆயி ரத்து 766 மாணவ - மாணவிகள் விண்ணப்பம் செய்து இருந்தனா். இவா்களின் மதிப்பெண் விவரங்கள் சரிபாா்க்கப்பட்டு கடந்த செப்டம்பா் 30-ந் தேதி தரவரிசை பட்டியல் வெளியிடப்பட்டது.

கலந்தாய்வு

இதையடுத்து மாற்றுத் திறனாளிகள், விளையாட்டு வீரா்கள், முன்னாள் ராணுவத்தினரின் வாரிசுகள் உள்ளிட்ட சிறப்பு பிரிவினருக்கு கலந்தாய்வு பல்கலைக்கழக வளாகத்தில் நேற்று நடைபெற்றது.

இதில், தேர்வு செய்யப்பட்ட மாணவ- மாணவிகளுக்கு சேர்க்கைக்கான அனுமதி கடிதங்களை பல்கலைக்கழக துணைவேந்தர் கீதா லட்சுமி வழங்கினார்.

இதைத்தொடர்ந்து இன்றும் (வெள்ளிக்கிழமை) கலந்தாய்வு நடைபெறுகிறது.