ஆட்டோ மோதி தம்பதி படுகாயம்

திண்டிவனம்

திண்டிவனம் அருகே உள்ள ஆத்தூரை அடுத்த காலூர் கிராமத்தை சேர்ந்த முருகையன் மகன் ஜெயக்குமார்(வயது 28). இவர் உடல் நலக்குறைவால் பாதிக்கப்பட்ட அவரது மனைவி கிரிஜா(24) என்பவரை சிகிச்சைக்காக மோட்டார் சைக்கிளில் திண்டிவனம் அரசு ஆஸ்பத்திரிக்கு அழைத்து சென்றார். சிகிச்சை முடிந்ததும் மீண்டும் கணவன்-மனைவி இருவரும் மோட்டார் சைக்கிளில் வீடு நோக்கி வந்து கொண்டிருந்தனர். திண்டிவனம் ஈஸ்வரன் கோவில் அருகே வந்த போது எதிரே வந்த ஆட்டோ ஜெயக்குமார் ஓட்டி வந்த மோட்டார் சைக்கிள் மீது மோதியது. இதில் படுகாயம் அடைந்த தம்பதியரை அக்கம்பக்கத்தினர் சிகிச்சைக்காக திண்டிவனம் அரசு ஆஸ்பத்திரியில் சேர்த்தனர். இந்த விபத்து குறித்து திண்டிவனம் போலீசார் வழக்குப்பதிவு செய்து விசாரணை நடத்தி வருகிறார்கள்.