அரசு பஸ் மோதி தம்பதி பலி

செக்கானூரணி,

செக்கானூரணி அருகே அரசு பஸ் மோதி தம்பதி பலியானார்கள்.

துக்கம் விசாரிக்க சென்றனர்

மதுரை மேலபொன்னகரத்தை சேர்ந்தவர் மோகன்(வயது 60). இவருடைய மனைவி பாண்டியம்மாள்(54). இவர்கள் 2 பேரும் இருசக்கர வாகனத்தில் உசிலம்பட்டியில் உள்ள உறவினர் இறப்புக்கு துக்கம் விசாரிக்க நேற்று சென்றனர்.

அங்கு துக்கம் விசாரித்து விட்டு இருவரும் நேற்று மதியம் 2 மணி அளவில் அதே இருசக்கர வாகனத்தில் வீடு திரும்பி கொண்டிருந்தனர். செக்கானூரணி அருகே கருமாத்தூரில் வந்த போது பின்னால் வந்த அரசு பஸ் இருசக்கர வாகனம் மீது மோதியது.

தம்பதி பலி

இதில் தடுமாறிய அவர்கள் 2 பேரும் இருசக்கர வாகனத்தில் இருந்து தவறி சாலையில் விழுந்தனர். கண் இமைக்கும் நேரத்தில் அரசு பஸ்சின் பின்சக்கரம் அவர்கள் 2 பேர் மீதும் ஏறி இறங்கியது. இதில் சம்பவ இடத்திலேயே அவர்கள் 2 பேரும் துடிதுடித்து பரிதாபமாக இறந்தார்கள். இது குறித்து தகவல் அறிந்ததும் செக்கானூரணி போலீசார் சம்பவ இடத்துக்கு விரைந்து சென்றனர். அங்கு இறந்து கிடந்த 2 பேரின் உடல்களையும் கைப்பற்றி பிரேத பரிசோதனைக்காக உசிலம்பட்டி அரசு ஆஸ்பத்திரிக்கு அனுப்பி வைத்தனர். இந்த விபத்து ெதாடர்பாக அரசு பஸ் டிரைவர் சந்தனத்தை கைது செய்தனர். துக்கம் விசாரிக்க வந்த இடத்தில் தம்பதி பலியானது அப்பகுதியில் பெரும் சோகத்தை ஏற்படுத்தி உள்ளது.