3 மாவட்டங்களில் பாதிப்பு: தமிழ்நாட்டில் 5 பேருக்கு கொரோனா

சென்னை,

தமிழ்நாட்டில் கடந்த சில நாட்களாக கொரோனா பாதிப்பு குறைந்து வந்தது. நேற்று திருப்பூரில் மட்டும் ஒருவருக்கு பாதிப்பு கண்டறியப்பட்டது. இந்தநிலையில், இன்று தமிழ்நாட்டில் கொரோனா பாதிப்பு சற்று அதிகரித்து காணப்பட்டது. அந்த வகையில், தமிழ்நாட்டில் இன்று 5 பேர் கொரோனாவால் பாதிக்கப்பட்டனர். இதில், 2 பேர் ஆண்கள், 3 பேர் பெண்கள் அடங்குவர்.

கொரோனா பாதிப்பில் இருந்து 5 பேர் குணமடைந்து வீடு திரும்பினர். இன்று கோவை மற்றும் தூத்துக்குடி மாவட்டங்களில் தலா 2 பேரும், சேலத்தில் ஒருவருக்கும் கொரோனா பாதிப்பு கண்டறியப்பட்டது. 35 மாவட்டங்களில் பாதிப்பு ஏற்படவில்லை. சிகிச்சை பெறுவோரின் எண்ணிக்கை 23-ஆக உள்ளது. நேற்று தமிழ்நாட்டில் கொரோனா தொற்றால் உயிரிழப்பு ஏதும் ஏற்படவில்லை. மேற்கண்ட தகவல் மக்கள் நல்வாழ்வுத்துறை வெளியிட்ட செய்திக்குறிப்பில் கூறப்பட்டுள்ளது.