தமிழகத்தில் மேலும் 62 பேருக்கு கொரோனா

சென்னை,

தமிழகத்தில் கொரோனா பாதிப்பு கட்டுக்குள் வந்துள்ளது. கடந்த சில மாதங்களாகவே கொரோனா பாதிப்பு தொடர்ந்து குறைந்து வருவது மக்களுக்கு நிம்மதியை கொடுத்துள்ளது. அந்த வகையில் இன்றைய பாதிப்பு 70 க்கும் கீழ் குறைந்துள்ளது.

தமிழகத்தில் கடந்த 24 மணி நேர கொரோனா பாதிப்பு விவரத்தை மக்கள் நல்வாழ்வு மற்றும் மருத்துவத்துறை வெளியிட்டுள்ளது. அதன் விவரம் வருமாறு:-

தமிழகத்தில் இன்று 62 பேருக்கு புதிதாக கொரோனா உறுதி செய்யப்பட்டுள்ளது. அதிகபட்சமாக சென்னையில் மட்டும் 10 பேருக்கு கொரோனா உறுதி செய்யப்பட்டுள்ளது. சென்னையை தவிர்த்து மற்ற மாவட்டங்களில் தொற்று பாதிப்பு 10-க்கும் கீழ் பதிவாகியுள்ளது.

தமிழகத்தில் இன்று கொரோனா தொற்றால் ஒருவர் உயிரிழந்துள்ளார். கொரோனா தொற்றிலிருந்து 88 பேர் இன்று குணமாகி உள்ளனர். தற்போது கொரோனா பாதிப்புக்குள்ளாகி 578 பேர் சிகிச்சையில் உள்ளனர்.

இவ்வாறு அதில் கூறப்பட்டுள்ளது.