சாயல்குடி,

சாயல்குடி அருகே காணிக்கூர் கிராமத்தை சேர்ந்தவர் கருணாமூர்த்தி (வயது 42). இவர் மாடுகள் வளர்த்து வருகிறார். நேற்று முன்தினம் மேய்ச்சலுக்கு சென்ற மாடுகள் வீட்டிற்கு திரும்பவில்லை. இதையடுத்து கருணாமூர்த்தி மாடுகளை ேதடி சென்றபோது எம்.கரிசல்குளத்தில் 2 மாடுகள் இறந்து கிடந்தன. இறந்த மாடுகள் அருகே விஷம் கலந்த தண்ணீரை குடித்ததாக கூறப்படுகிறது. இதுகுறித்து அவர் கொடுத்த புகாரின்பேரில் சாயல்குடி போலீஸ் சப்-இன்ஸ்பெக்டர் பாண்டியன் வழக்குப்பதிவு செய்து விசாரணை நடத்தி வருகிறார்.