அரசு பஸ் மோதி விவசாயி சாவு

நாமக்கல்:

திருச்சி மாவட்டம் மேய்க்கல்நாய்க்கன்பட்டி அருகே உள்ள எம்.களத்தூர் பில்லுக்காடு பகுதியை சேர்ந்தவர் பழனிசாமி (வயது 65). விவசாயி. இவர் நேற்று முன்தினம் அதிகாலை 4 மணி அளவில் மொபட்டில் கொய்யா பழத்தை நாமக்கல் உழவர் சந்தைக்கு விற்பனைக்காக கொண்டு வந்தார். பின்னர் வியாபாரத்தை முடித்து கொண்டு நாமக்கல் சந்தைப்பேட்டைபுதூர் பஸ் நிறுத்தம் அருகே சென்று கொண்டிருந்தார். அப்போது அந்த வழியாக சென்ற அரசு பஸ், மொபட் மீது எதிர்பாரத விதமாக மோதியது. இந்த விபத்தில் படுகாயம் அடைந்த பழனிசாமியை அக்கம்பக்கத்தில் இருந்தவர்கள் மீட்டு நாமக்கல் அரசு ஆஸ்பத்திரிக்கு அனுப்பி வைத்தனர். பின்னர் அவர் மேல்சிகிச்சைக்காக சேலம் அரசு ஆஸ்பத்திரிக்கு கொண்டு செல்லப்பட்டார். அங்கு அவரை பரிசோதனை செய்த டாக்டர்கள் குழுவினர் பழனிசாமி ஏற்கனவே இறந்து விட்டதாக கூறினர். இந்த விபத்து குறித்து நாமக்கல் போலீசார் வழக்குப்பதிவு செய்து விசாரணை நடத்தி வருகின்றனர்.