பள்ளிபாளையத்தில் காவிரி ஆற்றில் மூழ்கி தொழிலாளி சாவு

பள்ளிபாளையம்:

பள்ளிபாளையம் ஆவத்திபாளையம் காவிரி ஆற்றில் நேற்று ஒருவர் குளித்து கொண்டிருந்தார். திடீரென அவர் எதிர்பாராத விதமாக தண்ணீரில் மூழ்கினார். அவரை அங்கிருந்தவர்கள் மீட்டு கரைக்கு கொண்டு வந்தனர். அப்போது அவர் தண்ணீரில் மூழ்கி இறந்தது தெரியவந்தது. இதுகுறித்து பள்ளிபாளையம் போலீசுக்கு தகவல் தெரிவிக்கப்பட்டது. அதன்பேரில் போலீசார் அங்கு விரைந்து சென்றனர். அவர்கள் தண்ணீரில் மூழ்கி பலியான நபர் குறித்து விசாரணை நடத்தினர். அப்போது அவர் ஈரோடு நசீயனூர்தொட்டிபாளையத்தை சேர்ந்த கூலிதொழிலாளி சதாசிவம் (வயது 55) என்பதும், கடந்த சில நாட்களாக அவர் மனநிலை பாதிக்கப்பட்டிருந்ததும் தெரியவந்தது. இதையடுத்து அவரது உடலை போலீசார் கைப்பற்றி பிரேத பரிசோதனைக்காக ஈரோடு அரசு ஆஸ்பத்திரிக்கு அனுப்பி வைத்தனர். மேலும் சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.