கட்டிட மேஸ்திரி பரிதாப சாவு

கட்டிட மேஸ்திரி

கரூர் மாவட்டம் வேலாயுதம்பாளையம் பகுதியை சேர்ந்தவர் பழனிமுத்து. இவரது மகன் சக்திவேல் (வயது 27). கட்டிட மேஸ்திரி. இவர் மோட்டார் சைக்கிளில் நாமக்கல் அருகே உள்ள மின்னாம்பள்ளி நோக்கி சென்று கொண்டு இருந்தார்.

நாமக்கல் நல்லிபாளையம் பகுதியில் வந்தபோது, இவரது மோட்டார் சைக்கிள் எதிர்பாராத விதமாக நின்று கொண்டு இருந்த டேங்கர் லாரியின் பின்புறத்தில் மோதியது. இதில் படுகாயம் அடைந்த அவரை அக்கம்பக்கத்தில் உள்ளவர்கள் மீட்டு நாமக்கல் அரசு ஆஸ்பத்திரிக்கு சிகிச்சைக்காக அனுப்பி வைத்தனர். ஆனால் செல்லும் வழியிலேயே சக்திவேல் பரிதாபமாக இறந்தார்.

விசாரணை

இந்த விபத்து குறித்து அவரது மனைவி பானுப்பிரியா நாமக்கல் நல்லிபாளையம் போலீசில் புகார் செய்தார். இதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.