மோட்டார் சைக்கிளில் இருந்து தவறி விழுந்து தொழிலாளி சாவு

தேன்கனிக்கோட்டை

தேன்கனிக்கோட்டை அருகே உள்ள அடவிசாமிபுரம் கிராமத்தை சேர்ந்தவர் சீனிவாசன் (வயது 32). கூலித்தொழிலாளி. இவர் சம்பவத்தன்று இரவு தேன்கனிக்கோட்டை அரசு மருத்துவமனை அருகே மோட்டார் சைக்கிளில் சென்று கொண்டிருந்தார். அப்போது வேகமாக சென்றதில் நிலைதடுமாறி சாலையோரம் உள்ள பள்ளத்தில் தவறி விழுந்தார்.இதில் படுகாயம் அடைந்த அவரை மீட்ட போலீசார் தேன்கனிக்கோட்டை அரசு மருத்துவமனைக்கு அனுப்பி வைத்தனர். அங்கிருந்து மேல்சிகிச்சைக்காக தர்மபுரி அரசு மருத்துவமனையில் அனுமதித்தனர். ஆனால் சிகிச்சை பலனின்றி சீனிவாசன் உயிரிழந்தார். இதுகுறித்து தேன்கனிக்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.